Монгол улсын Хөвсгөл аймгийн Мөрөн сум, ХБНГУ- ын Барут суурин хотын хооронд хамтран ажиллах санамж бичиг 2011 оны 07 дугаар сарын 22 Мөрөн сум Энэхүү санамж бичиг нь Монгол улсын Мөрөн сум, ХБНГУ- ын Барут суурингууд төр захиргааны байгууллага, соёл боловсрол нийгэм эдийн засгийн салбарт хамтран ажиллаж хотоо болон иргэдээ хөгжүүлэхийн тулд харилцан бие биенээ хүндэтгэн дэмжих асуудлыг хоёр талд ашигтайгаар зохицуулах чиглэлийг тодорхойлно. Санамж бичгийг үйлдэхэд Мөрөх сумыг төлөөлж Сумын ИТХ-дарга А. Цэрэндулам, Сумын Засаг дарга Б. Халтар, Орлогч дарга Ш. Янжиндулам, Барут сууринг төлөөлж Бургермастр Петер Илк, Ролф Грезер, Франк Циерат, Герхард Тиле нар оролцов. Цаашид хоёр талын хамтран ажиллах чиглэлийг дараах байдлаар тодорхойлж байна. Үүнд:

1. ЕБС , цэцэрлэгийн хамтран ажиллах, биэ биэнээс суралцах боломжийг дэмжих.
2. Барут суурингийн байгаль хамгаалах, ой модыг нөхөн сэргээх талаар хийж буй ажлыг судалж өөрийн нөхцөлд ашиглах.
3. Ус цэвэршүүлэх хамгамжийг сайжруулах талаарх ХБНГУ -ын техник технологийг ашиглах боломжийг судлах , хэрэглэх.
4. Онцгой байдал, техник хэрэгсэл үйл ажиллагааны арга барилтай танилцах, судлах шаардлагатай хэрэгслийг авч ашиглах.
5. Мал аж ахуйн гаралтай бүтээгдхүүн хамтран боловсруулах, экспортод гаргах боломжийг судалж, ашигтай нөхцөлд тохируулж ашиглах.
6. Засаг захиргааны ажилтнуудын ажлын арга туршлагаас харицан суралцах.
7. Энэхүү санамж бичгийн агуулгын дотор гэрээгээр тодруулж хоёр улсын хууль тогтоомжийн хүрээнд үйл ажиллагааг зохион байгуулна.

  Монгол улсын Хөвсгөл Аймгийн Мөрөн сумын засаг дарга Б. Халтар гарын үсэг ХБНГУ-ыг төлөөлж Барут суурингийн Бургермастер Петер Илк  гарын үсэг